Екипата на Челси по доаѓањето на Томас Тухел игра неверојатно, успеа да се пласира во финалето на Лигата на шампионите, но во последно време немир внесуваат сопругите и девојките на фудбалерите.
Тие се почесто ја преземаат улогата на најжестоки критичари на Тухел и на самите фудбалери и се чини дека сопственикот на екипата Роман Абрамович ќе мора да се позанимава со овој проблем пред најважниот натпревар во сезоната.

Even Thiago Silva’s wife can’t stand Werner anymore 😭😭😭😭 pic.twitter.com/c4Lhq71sEd

— Mido #17 CFC 🇮🇹 (@zMidoG) April 27, 2021

По сопругата на Тијаго Силва која преки Инстаграм ги критикуваше настапот и игрите на напаѓачот Тимо Вернер, сега се огласи и Леа Монро, девојката на Тами Абрахам.
Таа го нападна менаџерот Томас Тухел бидејќи не го стави нејзиното момче во првиот тим за натпреварот против Лестер во финалето на ФА Купот кој им припадна на „лисиците“.
„Како по ѓаволите носиш одлука својот најдобар стрелец да го исфрлиш од тимот за финалето? Истата личност која постигна голови за да дојдеш во финалето на ова натпреварување? Тоа за мене нема смисол“, напиша Монро, а по извесно време ја избриша објавата.

The post was deleted after it gained a lot of attention, but the damage was done. This could get Tammy into more trouble with the Chelsea boss… 👀 https://t.co/IbFXJrmlaK

— SPORTbible (@sportbible) May 15, 2021

Абрахам му ја донесе победата на Челси во четвртфиналето против Барнсли (1:0) и тоа во еден од првите натпревари на Тухел на клупата на „сините“, а сега не беше ниту на клупата за резервни играчи.
„Ниту на клупата? Тоа мора да е некоја шега“, пишува Монро.
На местото на Тами Абрахам кој натпреварот го следеше од трибините, нападот на Челси го предводеше Тимо Вернер, а на клупата беа Оливие Жиру и Каи Хаверц. Англиските медиуми шпекулираат дека на лето, Абрахам ќе побара да биде продаден на друг тим каде редовно ќе игра.