Проблем за Полска и Баерн: Се повреди Роберт Левандовски!
Капитенот на полската репрезентација, Роберт Левандовски ќе го пропушти претстојниот натпревар против Англија поради повреда на десното колено.
Левандовски постигна два гола во вчерашната победа против Андора од 3:0 во квалификациите за Светското првенство.
Но, мораше да го напушти теренот во 63 минута поради болки во коленото.
Првите луѓе на полскиот фудбал соопштија дека играчот на Баерн ги повреди лигаментите на коленото, 10 дена ќе биде надвор од терените и дека ќе се врати во Минхен каде што ќе се опоравува.
Повредата на Левандовски доаѓа во важен момент кога лидерот во Бундеслигата се подготвува за дербито против Лајпциг в сабота, како и за мечот од четвртфиналето во Лигата на шампионите против ПСЖ на 7 април.