Признал дека задремал на воланот: Приведен возачот на косовскиот автобус

Фото: Screenshot/YouTube

По завршениот увид на местото на кое утрово се случи тешката сообраќајна несреќа во која загинаа 10 лица, обвинителството од Славонски Брод констатирало дека автобусот на Дева Турс од Приштина, кој патувал од Франкфурт за Приштина, излетал на тревнатата банкина на јужната страна од коловозот.

Возачот на автобусот е приведен и тој на полицијата ѝ признал дека задремал зад воланот.

– Возачот на автобусот е затечен на лице место и е приведен. Се собираат докази врз основа на кои ќе му биде поднесена кривична пријава, велат од обвинителството.

Неофицијално, тој го презел управувањето на граничниот премин Брегана, каде што се заменил со својот колега.

ВИДЕО | Косовски автобус се преврте во Хрватска: Во страшна сообраќајна незгода 10 луѓе го загубија животот, а десетици се повредени

Видео на денот