Транспарентноста во финансиското работење на политичките партии во земјава е на многу ниско ниво, открива пораталот Призма во своето истражување.

Иако партиите со закон се обврзани годишниот финансиски извештај да го објават на својата веб-страница, ретко која од нив го прави тоа.

Призма пишува дека веб-страниците на партиите функционираат како рекламни паноа. Може да најдете од ринг-тонови на партиски химни, до интервјуа, колумни и банери, но ако сакате да видите колку пари потрошиле во изминатите години, обидот кај многу од нив ќе ви биде залуден.

Проверката на Призма покажа дека кај четири од шесте најголеми партии што влегоа во парламентот, годишните финансиски извештаи што им се финансиска обврска, или ги нема, или не се отвораат на партиските веб-страници. Транспарентноста е задолжителна во партиските говори, но кога тие ќе стивнат, се сведува на празни зборови, пишува Призма.

Повеќе прочитајте во истражувањето на Призма.