Привремен режим на сообраќај во стариот дел на Охрид за време на отворањето на „Охридско лето“

Во пресрет на вечерашниот голем настан во Охрид, свеченото отворање на фестивалот „Охридско лето“ на Античкиот театар во Охрид, од фестивалската дирекција информираат дека во стариот дел на градот попладнево ќе има привремен режим на сообраќај.

Во овој дел на градот каде што гравитира Античкиот театар, ќе биде забрането движење на возила, така што публиката која вечерва ќе биде присутна на Античкиот театар ќе може да пристигне пеш или со такси возило.

На приодите кон Античкиот театар ќе има присуство на полициски службеници кои ќе вршат обезбедување и ќе овозможат непречено движење на такси возилата, но и на другите возила со приоритет.

Инаку, од фестивалската дирекција, ги информираат посетителите кои вечерва ќе бидат присутни на овој незаборавен настан, да дојдат на Античкиот театар до 20 часот и 30 минути, бидејќи вратите на влезовите ќе бидат затворени пред 21 часот, кога е и почетокот на фестивалското отворање.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот