Приведено лице за реметење на редот на паркингот на Клинички
Полицијата информира дека привела едно лице што го реметело јавниот ред на паркингот на Клинички центар во Скопје.
– По добиени сознанија за реметење на јавниот ред на паркингот на Клинички центар, од страна на полициски службеници од СВР Скопје преземени се мерки, при што е идентификуван Ф.М.(40) од Скопје. Притоа е утврдено дека на 12.01.2021 година околу 10.15 часот Ф.М. го нарушил јавниот ред и мир во кругот на клиничкиот центар. Со него е извршен разговор во полициска станица и ќе биде поднесен соодветен поднесок, а се преземаат и дополнителни мерки и активности – информира полицијата.
ВИДЕО: Три години глумат редари на паркингот на Клинички, наплаќаат пари, а полицијата не реагира
„Слободен печат“ деновие пишуваше дека непознати лица на возраст од 25 до 40 години го узурпираат паркингот на Клинички центар, односно со сопствени возила заземааат слободни места, а на останатите возачи им бараат од 50 до 100 денари за да го тргнат својот автомобил.
МВР го испитува случајот со дивите препродавачи на паркингот на Клинички центар