Приведени дилери на амфетамин во Скопје
Полицајци од Одделот за криминалистичка полиција – Сектор за недозволена трговија со дрога, оружје и опасни материи во координација со нивни колеги од СВР Скопје – Единица за недозволена трговија со дрога и оружје, вчера ги лишиле од слобода Н.П.(20) и С.Б.(27), двајцата од Скопје, соопшти МВР.
Како што информираат од Министерството за внатрешни работи, при преглед врз Н.П., извршен на улица „Јани Лукровски”, бил пронајден и одземен амфетамин, кој го набавил од С.Б… Додека, при претрес во домот на С.Б., извршен со судска наредба, исто така бил пронајден и одземен амфетамин.
Лицата се приведени во полициска станица и по целосно документирање на случајот против нив ќе биде поднесена соодветна пријава.