Тетовец е приведен поради физички напад врз сопругата, информираа попладнево од Министерството за внатрешни работи.

„Во тетовско село, синоќа во 22:30 часот, полициски службеници од СВР Тетово го лишиле од слобода В.К., на возраст од 35 години, постапувајќи по пријава, според која околу 19 часот во селото, по претходно недоразбирање, физички ја нападнал неговата сопруга“, појаснуваат од МВР.

По целосно документирање на случајот, против него ќе биде поднесена соодветна пријава.

Од полицискиот билтен и информација за девојка од Кичево која во полициската станица Аеродром пријавила таксист за недолично однесување.

„Во 04:33 часот вчера, 19-годишна кичевчанка пријавила дека околу 04:20 часот, додека со такси возило се враќала кон нејзиниот дом на подрачјето на скопски Аеродром, возачот започнал да се однесува недолично и да ја допира по телото“, појаснуваат од МВР.

Се преземаат мерки за расчистување на случајот.