Полицајци привеле 25-годишник од тетовско Желино, откако при негова контрола, во возилото со кое се движел е најден пиштол за кој немал соодветна дозвола.

Оружјето му било најдено вчеравечер околу 21.15 часот, на улица „Видое Смилевски-Бато” во Тетово.

– Полициски службеници на СВР Tетово го лишиле од слобода 25-годишниот Ш.И. од тетовско Желино, затоа што при негов преглед на возилото „ауди” со тетовски регистарски ознаки што го управувал, му бил пронајден пиштол „екол специјал 99″, калибар 9 милиметри, за кој не поседувал никакви документи. Тој е задржан во Полициската станица Тетово за расчистување и документирање на случајот, информира Марјан Јосифоски, портпарол на СВР Тетово.

За носењето на пиштолот без дозвола 25-годишникот ќе се соочи со соодветен поднесок.