15 C
Скопје

Приватните со закон ќе мора да ги кастрат цените?

Ќе се измени Законот за здравствена заштита за да се ограничи паричниот износ што ќе го плаќаат ковид-пациентите во приватните болници за времетраењето на кризата, изјави вчера министерот за здравство Венко Филипче.

Тој додаде дека до Владата предлогот ќе биде доставен веднаш, а со него се очекува да се ограничи максималната сума што ќе ја плаќаат оние на кои ќе им биде потребна хоспитализација и во приватното здравство.

– Го слушнавме апелот на граѓаните, сепак е криза, има потреба да се користи и тој болнички капацитет – рече министерот Филипче.

Апасиев: Ова е наша заслуга

Димитар Апасиев, лидер на „Левица“, за „Слободен печат“ вели дека и неговата партија во Собранието ќе предложи да се ограничат цените во приватните клиники за третирање на болни од ковид-19, и тоа на начин на кој цените би се свеле на референтните цени на Фондот за здравство, и тоа не само за хоспитализацијата, туку и за приватните лаборатории што вршат ПЦР-тестирање.

– Овој предлог ќе го поднесеме независно од владиниот, затоа што сметаме дека ова е наша заслуга и дека Владата само сака да ја земе заслугата. Во членот 55 од Уставот е наведено дека државата може за здравството да ги ограничи цените иако министерот за здравство тврдеше дека пазарни се цените во приватните болници и не може да ги ограничи. Ќе го почекаме нивниот, ама во нашиот предлог ќе биде предложено референтните цени од јавното здравство да се еквивалентни на тие во приватното додека трае кризата – ни рече Апасиев.

Според предлогот на „Левица“, приватните болници, исто како и државните, би требало да имаат исти цени за хоспитализација. Според нив, болничко лекување на ковид-пациенти на механичка вентилација подолго од 15 дена, не смее да надмине 305.500 денари. Хоспитализација до пет дена на универзитетска клиника не смее да надмине 41.125 денари, од 6 до 10 дена 82.250 денари, од 11 до 15 дена 141 илјади денари, а над 15 дена 211.500 денари.

Приватните болници со кои контактиравме велат дека не се информирани дека ќе им биде ограничена максималната сума што ќе може да им ја наплаќаат на пациентите, но дека сметаат оти ова не е можно, затоа што нивните трошоци се големи, а пациентите ги третираат со оние методи што му се потребни на секој пациент засебно.

Имунизацијата ќе продолжи со 2.000 кинески вакцини

Министерот Филипче вчера соопшти дека со две илјади кинески вакцини ќе почнат да се вакцинираат граѓаните по возрасни групи, односно и помладите од 75 години, откако тие од софискиот аеродром ќе бидат транспортирани во Македонија.

Досега во земјава се вакцинирани повеќе од 25 илјади граѓани. Министерот рече дека целосно се вакцинирани припадници на АРМ, МВР, вработените во училиштата и негувателките. Хронично болните ќе бидат вакцинирани според нивната возраст, приоритетно највозрасните, а потоа помладите. Лекарите апелираат, граѓаните откако ќе се вакцинираат, да продолжат да ги почитуваат превентивните мерки, затоа што имунитетот се создава неколку недели по втората доза.

Викендов имало помалку хоспитализации, но проблемот е во подолгото болничко лекување отколку што тоа беше случај во претходниот бран.

Поврзани вести

Нова скандалозна порно-група со слики и видеа: На Телеграм се појави „Перверзии на Балканот“

Слободен печат

Лајчак: Несомнено за Косово, успех во дијалогот значи да се стане земја кандидат за ЕУ

Слободен печат

Германија, Шпанија и Франција заедно ќе развијат нов борбен авион

Слободен печат

Регионален ковид-19 пресек: Мал пад на бројот на нови инфекции

Слободен печат

Бугарски брачен пар заврши зад решетки во Германија: Продавале новороденчиња во Грција

Слободен печат

Маск: Старлник услугата ја нарачаа половина милион луѓе

Слободен печат

Остави Коментар