Основното јавно обвинителство од Гостивар донесе наредба за истрага против едно лице кое е обвинето за убиство.

Според обвинителството, немилиот настан се случил на 2 овој месе околу 4.30 часот во угостителски објект во гостиварското село Неготино. Осомничената,  вработена во угостителскиот објект, пред да го изврши делото била вознемирувана од нејзиниот колега. Откако и по нејзините повици да престане тој продолжил со непристојното однесување, таа од шанкот зела нож и му нанела неколку убодни рани во стомакот.

Ценејќи дека се исполнети законските одредби, надлежниот јавен обвинител до судија на претходна постапка од Основниот суд Гостивар достави предлог за определување на мерката притвор за осомничената. Предлогот беше прифатен и на осомничената судот и определи притвор во траење од 30 дена.