Притвор за кавадарчанката која свирепо го уби партнерот, па го запали телото
Полицајци од Кавадарци вчера ја уапсиле М.Б.(51) од Кавадарци, поради постоење основано сомнение дека го убила сопствениот сопруг на 6-ти овој месец, соопшти МВР.
„На шести септември, осомничената била во домот на И.М.(70) во Кавадарци, со кого била во љубовна врска, и по вербална расправија, настанала физичка пресметка, во која осомничената со остар предмет му нанела повреди на И.М., а потоа истурила запалива течност врз телото, го запалила и го напуштила местото“, велат од полицијата.
-По преземени мерки и активности по наредба од Основен суд Кавадарци извршени се претреси во домот на осомничената, при што се пронајдени и одземени предмети кои потекнуваат од кривичното дело, а при извршен службен разговор, таа делото го појаснила во целост, соопшти МВР.
Од ОВР Кавадарци до Основното јавно обвинителство Кавадарци против М.Б. е поднесена кривична пријава, а од страна на судија од Основен суд Кавадарци одредена ѝ е мерка притвор во времетраење од 30 дена.