Притисок врз Владата: Предлог за затворање на кафулиња, барови и ресторани во Грција на шест дена

Фото: tripadvisor.com.hk

Грчкото здружение на угостителски објекти и центри за забава реши да предложи затворање на кафулињатам баровите и рестораните од 16 до 22 септември во знак на протест за, како што велат, рамнодушноста на Владата за проблемите во нивниот сектор.

Паралелно се доставени 20 барања меѓу кои ослободување од обврската за плаќање на општинските такси; дозвола за работа по полноќ; ревидирање на постоечките мерки и забрани за работа на угостителските објекти и кафулињата; намалување на кириите, намалување на ДДВ-то на храната и кафето на шест отсто; даночни олеснувања и сл.

Велат дека во изминатиот период, од почетокот на пандемијата, се обиделе да започнат дијалог со Владата за одредени нивни предлози за заштита на конкретниот сектор, но наишле на незаинтересираност и затоа донеле одлука да одоговорат со „континуиран локдаун”.

Видео на денот