Во екот на пандемијата од коронавирусот доаѓа информацијата за снимањето на првиот филм за Ковид 19, а трејлерот веќе може да се погледне и на Јутјуб, пренесува „Би-Би-Си“.

Станува збор за остварување под назив „Corona: Fear is a virus“, во кое се раскажува приказна за седум луѓе кои се заглавуваат во лифт, а вистинскиот хаос се случува кога еден од нив почнува да кашла.

Режисер на филмот е Мустафа Кашвари од Канада, кој во интервју за Би-Би-Си објасни дека идејата за снимање на филмот му дошла уште во јануари годинава кога светот за првпат слушна за коронавирусот.

Иако и самиот не верувал дека вирусот ќе доведе до пандемија од светски размери, сепак се одлучил да продлжи да работи на овој филм.

Засега не е познат датумот кога филмот би можел да биде објавен.