Авдула Хоти на седницата рече дека со решението се отстраниле сите пречки за продолжување на дијалогот, а доколку нема поволен исход, ќе се врати мерката за реципроцитет. Одлуката стапува на сила веднаш.

Одлуката додаде Хоти е привремена и може да трае еден ден, еден месец, една година …

– Очекуваме Србија да стави крај на кампањата против признавањето на Косово. Очекуваме нашите партнери да извршат притисок врз Србија, изјави Хоти.

Владата на денешната седница ги поништи претходните решенија на владата на Албин Курти од 20 март 2020 година за постепена примена на реципроцитет за Белград и решението од 30.05.2020 година за изменување и дополнување на првите решенија за таа мерка.

Претставниците на Алијансата за иднината на Косово на Рамуш Харадина гласаа против оваа одлука.

Ова е една од четирите точки на агендата на состанокот на владата во Приштина.