САД понудиле економски и политички отстапки за Косово доколку прими неколку илјади Авганистанци. Но, како што јавува Ројтерс повикувајќи се на неименуван функционер, во Вашингтон постои загриженост дека власта во Приштина нема способност да го изменаџира ова.

Администрацијата на американскиот претседател Џо Бајден водела тајни разговори со повеќе земји во обид да обезбеди привремено сместување на загрозените Авганистанци кои работеле за американската влада.

Тајните разговори кои САД ги воделе со Албанија и Косово ја одразуваат желбата да им помогне и да ги заштити Авганистанците од талибанска одмазда, додека безбедно се завршува процесот за одобрување на нивните визи за САД, пишува агенцијата.

Администрацијата на Бајден разговарала со Казахстан, Таџикистан и Узбекистан да примат илјадници нивни авганистански соработници, но преговорите биле неуспешни.