ПРИРОДНО ПРОТИВ КОМАРЦИ: Овие растенија треба да ги имате во домот преку лето
На пазарот постојат стотици производи репеленти против комарци и инсекти, но секогаш е добро да се проба и на природен начин.
Вашата градина или тераса можат да бидат вистински оази на корисни растенија, а дел од нив се ефикасни и во борбата против комарци.
Затоа, добро е да посадите:
ЛАВАНДА
Она што е карактеристично за лавандата е што во природата не ја напаѓаат ниту инсекти, ниту животни. Постојат тврдења дека етеричните масла кои испаруваат од лавандата ги „зашеметуваат“ и дезориентираат комарците и тие бегаат подалеку од местото каде е посадена.
НЕВЕН
Невенот за луѓето нема карактеристичен мирис, но инсектите се особено чувствителни на него. Освен што ќе ги одбива комарците, ќе ги заштити и другите растенија од лисни вошки и бели мушички. Насадете невен во мали саксии и чувајте го меѓу другите растенија.
ЛИМОНСКА ТРЕВА
Лимонската трева е најчеста состојка во препаратите против комарци кои се продаваат во форма на патрони за во струја или лосиони за мачкање. Исто е ефикасна и против црви и инсекти кои ги уништуваат другите растенија.
РУЗМАРИН
Рузмаринот ни е добро позната билка, а освен комарците, ги одбива и другите инсекти кои може да ве искасаат. Освен тоа, има одличен вкус и може да се користи за чај или како зачин во храна.
БОСИЛЕК
Босилекот на нашите простори е еден од најпознатите репеленти против комарци. Можете да го засадите директно во почва или во саксии и да го распоредите меѓу другите растенија. Треба да биде што повеќе време изложен на сонце, но и добро да се полева.