Природен лек: Есенската настинка излекувајте ја со јаболков оцет
Есента е период од годината во кој најчесто луѓето страдаат од настинка или од грип.
Токму поради тоа, наместо да пиете апчиња, обидете се ваквата состојба да ја решите со консумирање јаболков оцет.
Jаболковиот оцет уште од многу одамна важи за една од најлековитите намирници што ги користел човекот. Иако во последно време ретко кој во својот дом самиот си произведува јаболков оцет, кој е сто отсто природен, сепак, придобивки по здравјето ќе почувствуваме и доколку го консумираме јаболковиот оцет што можеме да го купиме од најблискиот маркет.
Јаболковиот оцет може да ви помогне многу доколку имате проблеми со голтањето како и воспалено грло. Токму затоа, штом ќе почувствувате болка во грлото, веднаш измешајте една третина оцет со две третини млака вода и жуборкајте подолго време. На тој начин ќе ја намалите болката во грлото, но и ќе ги минимизирате можностите за појава на дополнителни компликации на здравствената состојба.
Меѓу другото, оцетот направен од јаболко може многу да ви помогне и во решавањето на проблемите со појавата на несакани модринки. Затоа, на местата каде што сте се повредиле и ви се создале модринки, потребно е со памук да натапкате малку јаболков оцет. Оцетот на овој начин ќе ви делува антивоспалително и ќе ја намали колоритноста на повреденото место.