Британскиот принц Хари и неговата сопруга Меган Маркл денеска повикаа на донации за поддршка на жртвите од пожарот во Лос Анџелес во кој загинаа најмалку десет луѓе.

Според Си-ен-ен, војводата и војвотката од Сасекс, кои живеат во близина на Лос Анџелес, донирале облека, детски предмети и други основни потреби на луѓето погодени од катастрофите.

Тие, наводно, биле домаќини и на пријатели кои биле принудени да се евакуираат во нивниот дом во Монтесито, Калифорнија.

„Доколку некој пријател, сакана личност или домашно милениче треба да се евакуира, а вие можете да им понудите безбедно засолниште во вашиот дом – ве молиме сторете го“, рекоа Хари и Меган на нивната веб-страница.

Тие ја повикаа заедницата да провери дали на хендикепираните или на постарите соседи им е потребна помош при евакуација.

Во пожарите изгореа повеќе од 10.000 згради, како и повеќе од 142 квадратни километри земјиште, а најмалку 10 луѓе беа повредени.

Наредена е евакуација на околу 179.000 луѓе , објави Си-би-ес.