Примиле поткуп во материјални добра: МВР суспендира двајца полициски службеници од СВР Куманово
Одделот за внатрешна контрола, криминалистички истраги и професионални стандарди при Министерството за внатрешмни работи (МВР) поднесе кривична пријава против полициските службеници Д.Д. (24) и Е.С. (29) од Полициската станица за безбедност на патниот сообраќај при СВР Куманово поради постоење на основано сомение дека сториле кривично дело „примање поткуп” по член 357 став 1 од КЗ на РСМ.
– Полициските службеници за да не извршат службено дејствие што морале да го извршат, односно да не изготват записник за сторен сообраќаен прекршок и прекршочен платен налог на возач кој сторил сообраќаен прекршок, побарале и примиле поткуп во материјални добра што се пронајдени кај полициските службеници и вратени на сопственикот по пријавување на случајот, информираа од МВР.
Против полициските службеници до ОЈО за ГОКК е поднесена кривична пријава и тие се суспендирани од своите работни места до завршување на постапката за утврдување на дисциплинска одговорност.