Девет натпревари од шпанската Примера беа одиграни денес во терминот од 19:30 часот, акцетот беше ставен на борбата за опстанок и местото во Конференциската лига.

Осасуна и Атлетик Билбао ги завршија своите дуели против Гетафе и Елче со порази, па така останаа изедначени со 50 бодови и последното коло ќе одлучува кој е последниот тим кој ќе игра во некое европско натпреварување.

Кадиз славеше минимално против Селта со 1:0 и скокна 41 бод, но се уште не е сигурно дали ќе опстанат затоа што Ваљадолид кој е 18-ти има 39. Денес Ваљадолид одигра без голови против Алмерија која има еден бод повеќе и пропушти прилика да биде во подобра позиција.

Барселона лесно ја заврши својата работа и со Мајорка славеше победа од 3:0, блескаше Ансу Фати со два гола во првото полувреме, третиот беше дело на Гави, а Фати запиша асистенција.

ПРИМЕРА 37. КОЛО:

Алмерија – Ваљадолид 0:0

Атлетик Билбао – Елче 0:1

Атлетико Мадрид – Реал Сосиедад 2:1

Барселоја – Мајорка 3:0

Кадиз – Селта 1:0

Гетафе – Осасуна 2:1

Жирона – Бетис 1:2

Рајо Ваљекано – Виљареал 2:1

Валенсија – Еспањол 2:2