Прилеп бара дополнителни рестриктивни мерки: И матичните лекари во системот на ротација на Инфективното одделение

Локалниот кризен штаб во Прилеп од главниот штаб во државава бара заострување на рестриктивните мерки во борбата со ковид-19. Според прилепскиот градоначалник Илија Јованоски, ситуацијата се оценува како влошена и крајно загрижувачка.

– Она што е особено загрижувачки и алармантно е дека во последните дваесетина дена драстично се зголемува бројот на новозаразени, хоспитализирани и, за жал, починати лица. Со цел да ја превенираме и запреме ваквата застрашувачка тенденција на ширење на заразата, општинскиот кризен штаб од Главниот кризен штаб бара заострување на мерките и воведување дополнителни рестриктивни мерки, кои ќе се однесуваат на целата територија на Општина Прилеп, рече Јованоски.

Одговор се очекува за еден ден, а во меѓувреме се засилуваат локалните мерки, прво за помош на медицинскиот персонал во инфективното одделение, од утре таму ќе ротираат тимови од матичните лекари во две смени.

– Поради алармантната состојба и потребата од зголемен број на медински персонал во Инфективното оддление, Општинскиот кризен штаб го задолжува претседателот на Здружението на матични лекари од нашиот град, почнувајќи од утре, па во наредниот период, да обезбеди по два тима, составени од доктор и медицинска сестра, кои ќе волонтираат по систем на ротација во втора и трета смена во Инфективното одделениеЕдниот тим ќе работи од 14 до 22 часот, а вториот тим од 22 до 7 наутро. Ова е особено важно, затоа што постојниот медицински персонал во Инфективното одделение, е навистина исцрпен и со крајни сили и напори се бори со заразата и се грижи за секој пациент, изјави Јованоски.

Од утре 30-ина волонтери на спасителната служба „Златоврв” ќе се грижат за редот пред медицинските и другите институции, пред банките, а ќе асистира и полицијата. Пред тие локации и институции, општината повторно ќе ги обележи позициите за одржување дистанца во редиците, со поставување налепници „Стој овде”. Волонтерите ќе носат намирници и лекови во домовите на болни и изнемоштени лица, а се бараат и нови волонтери.

– Ги повикувам сите оние млади лица од нашиот град, кои се здрави или ја прележале болеста, кои би сакале да помогнат и да се приклучат на волонтерската служба, да се обратат на телефонските броеви073/333-800 и 073/333-900 кај одговорните лица за волонтерската служба при „Златоврв”, Сашо Јандрески и Дарко Неданоски. На истите контакт телефони може да се обратат и граѓаните на кои им треба помош, порача Јованоски.

Од почетокот на пандемијата, во Прилеп има вкупно 2.766 заболени лица, а активни се 1.021 случаи. Во домашни услови се лекуваат 856 пациенти, 117 во болнички, а 48 во дневната болница. Битката со вирусот досега ја загубиле 125 прилепчани. Во последното деноноќие, по речиси еден месец, не е регистриран починат пациент.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот