„Приказни од Пајко Маало“ на Марина Мијаковска
Новата прозна книга на Марина Мијаковска со наслов „Приказни од Пајко Маало“ е метафора на создавањето на трајните културни вредности. Писателката е инспирирана од културно-историските обележја на градот Скопје. Приказните настануваат на улиците на Пајко Маало во различни временски периоди. Преку ликот на сезнаечкиот наратор и стар скопјанец Панајот, Мијаковска симултано ги поврзува расказите во кохерентна целина што наликува на новела.
Преку ваквата прозна постапка, авторката прави сопоставување на сликите од минатото и сегашноста, стариот и новиот град, старите скопски легенди и новите урбани приказни создадени на дланките на денешното Скопје. Книгата „Приказни од Пајко Маало“ е објавена со финансиска поддршка на Град Скопје.
(Текстот е објавен во „Културен печат“ број 83, во печатеното издание на „Слободен печат“ на 5-6 јуни 2021)