Тетовската полиција ноќеска приведе две лица кои биле пријавени за два случаја на семејно насилство. Во првиот, 50-годишник физички ја нападнал сопругата, а во вториот 26-годишник му се заканил на татко му дека ќе го убие.

– Во 20 часот на улица „Видое Смилевски-Бато” во Тетово е лишен од слобода е 50-годишниот тетовец Т.С., кој околу 18:30 часот во семејниот дом физички ја нападнал 44-годишната сопруга. Во 21 часот, пак, на улица „Ѓорче Петров” во Тетово е приведен е 26-годишниот тетовец Џ.И., кој околу 20 часот го малтретирал и му се заканил по животот на неговиот 56-годишен татко Џ.И, информира денеска Марјан Јосифоски, портпарол на СВР Тетово.

Двајцата се задржани во Полициската станица Тетово за документирање и за расчистување на случаите по што ќе следува соодветен поднесок.

– Во текот на јануари во СВР Тетово се евидентирани шест кривични дела поврзани со семејно насилство од кои четири со нанесување телесна повреда, а две со загрозување сигурноста. СВР Тетово има поднесено кривични пријави за 5 сторители за тетовскиот регион, информира Јосифоски.

Во јануари има поднесено вкупно 23 поплаки за семејно насилство во кои жртвите не побарале кривичен прогон за сторителите.