Прифатена оставката на Божовиќ, футсалците имаат нов селектор

Фото: ffm.mk

Управниот одбор на Фудбалската федерација на Македонија на седница во „Куќа на фудбалот“ ги донесе следните одлуки:

Прифатена е оставката на Иван Божовиќ на местото селектор на македонската футсал А репрезентација. Управиот одбор на ФФМ го назначи Васил Скендеровски за нов селектор на нашите најдобри футсалци.

Скендеровски беше предводник на футсал репрезентацијата од 2002. до почетокот на 2016. година. Футсал репрезентацијата на Македонија под негово водство беше на чекор до пласман на Европско првенство 2015 година, а истата година гол разликата одлучуваше за пласманот на Македонија во бараж за Светско првенство. Со футсал тимовите на Скопје, Алфа Парф, Железарец и Велес има освоено 14 титули шампион на Македонија.

Воедно УО на ФФМ донесе одлука Фудбалската федерација на Македонија да донира фудбалски топки за заедничкиот проект со Федерација на училишен спорт. 110 училишта ќе добијат грасрут фудбалски топки за проектот „Фудбал сега – фудбал насекаде“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот