Причината е сериозна: Ако забележите зелени точки на компирот, не јадете го

Фото: Unsplash

Компирите се често ги оставаме да отстојат многу подолго отколку што треба, па не е невообичаено да ги фрлиме откако ќе го забележиме непријатниот мирис на компирот. Но, некои претпоставуваат дека е доволно само да се излупи кората, да се отстранат црните точки, за да биде добар за јадење. Експертите велат дека постои еден специфичен знак што открива дека компирот повеќе не е добар за јадење, но и дека може да биде опасен по здравјето.

Зелената боја значи опасност

Лесно е да се помисли дека само треба да ги отстраниме од компирот за да може да се јаде, но само не сме свесни за проблемот. Зелената боја на компирот се појавува кога тој почнува да произведува хлорофил, што е природен процес. Но, кога ќе го забележите тој пигмент, тоа значи дека компирот исто така почнал да произведува соланин, компонента што штити од оштетување што го предизвикуваат животни, инсекти, габички и бактерии. Тоа е токсин што се наоѓа во компирот, а не само во зелените точки, а ако станува збор за повисоко ниво, може да биде опасен за луѓето.

Можете да се разболите од само еден компир

Нивоата на соланин се највисоки во лушпата на компирот, па со лупењето секако ќе отстраните дел од токсините (околу 30 отсто), но нема да го решите проблемот. Експертите не се сигурни колку точно од оваа компонента треба да биде во компирот за да ви биде лошо, но една студија открила дека 0,6 мг на килограм тежина може да доведе до болест. Особено е важно таквиот компир да се држи подалеку од деца што имаат мошне помала телесна тежина, па можат и посилно да ги почувствуваат последиците од труењето со соланин.

Ако ги забележите овие симптоми на труење, веднаш јавете се на лекар

Ако сте изеле ваков зелен компир, излупен и без видливи опасни знаци, важно е да внимавате на симптомите што може да се појават. Вообичаените вклучуваат температура, главоболка, болки во стомакот, дијареја, повраќање, слаб пулс и отежнато дишење. Ако мислите дека ги имате овие симптоми, веднаш побарајте лекарска помош. Благите симптоми може да поминат за 24 часа, но има и сериозни симптоми поради кои сепак е паметно да се обратите на лекар.

Правилното складирање може да ги спречи проблемите

Компирот подолго ќе биде добар за јадење ако правилно го чувате. Секое оштетување, изложеност на светлина или на ниски и високи температури може да резултира со појава на споменатиот отров. Најдобро е да ги чувате на темно и суво место за да го спречите овој процес. Ќесето во кое се наоѓаат ќе ги штити од дополнителна светлина. Добар совет е секој компир добро да го проверите пред да го купите и да ги фрлите оние што не се со добар квалитет.

Видео на денот