Некои растенија се толку убави што е неверојатно што всушност можат да убијат човек само со еден лист.

Ова е листа од четири вакви растенија, а некои од нив се многу чести во нашите дворови:

Нарцис

Сите делови од ова растение се отровни, а особено коренот. Во минатото, тој ги потсетувал луѓето на кромид и често по грешка го јаделе, а потоа имале мачнини и грчеви, а некои умирале од срцева аритмија. Неговиот мирис во затворена просторија може да предизвика мигрена и повраќање.

Есенски шафран

Оваа билка содржи отрови кои може да дејствуваат дури и со помирисување на цветот. Доколку сте долго изложени на дејството, може да почувствувате температура, дијареја и болки во стомак. Ако не побарате помош од лекар може да дојде до откажување на некои органи.

Пурпурен дигиталис (ѕвончиња)

Високата билка со виолетови цветови е многу декоративна, но ако на каков и да е начин се внесе во организмот, може да предизвика низок пулс, мачнина, срцева аритмија или застој на работата на срцето, а во најлош случај и инфаркт.

Момина солза (ѓурѓевак)

Овој цвет има опоен мирис и е многу декоративен, но содржи и многу отровни соединенија. Во него има дури и 38 различни отрови, кои можат да предизвикаат низа симптоми на труење, осип на кожата и заматен вид. Не изложувајте деца на ова цвеќе.

Време е за пролетно уредување на дворот: Најубавите идеи за градината и терасата! (ФОТО)