Претседателот на Претставничкиот дом на Нов Зеланд хранеше бебе и водеше седница

Претседателот на Претставничкиот дом на Нов Зеланд Тревор Малард за време на парламентарната расправа хранеше бебе на еден од пратениците.

Малард на Твитер објави фотографија како го храни бебето на пратеникот Тамати Кофи додека ја водеше седницата.

Лабуристичкиот пратеник Кофи во јули го објави раѓањето на својот син. Детето е родено со помош на сурогат мајка, а негов биолошки татко е партнерот на Кофи, Тим Смит.

Кофи денеска првпат присуствуваше на седница по враќање од боледување, а со себе го зема и своето бебе.

Малард, кој е татко на три деца, ја презеде улогата на дадилка, но истовремено и претседаваше со седницата.

Претходно, на седница своите бебиња ги носеа и британската пратеничка Џо Свинсо, во 2018 година и австралиската сенаторка Лариса Воерс, во 2017 година.

Во септември минатата година, премиерката на Нов Зеланд Џасинда Ардерн стана првата политичарка во историјата која ја донесе својата ќерка на седница на Генералното собрание на Обединетите Нации.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот