Португалскиот претседател Марсело Ребело де Соуса (71) им се обрати на новинарите од балконот на својата куќа и порача дека ќе остане во самоизолација во следните две недели.

Тестирањето покажа дека е негативен на коронавирусот, но претседателот сепак одлучи да биде во изолација.

Тој рече дека со тоа им дава пример на граѓаните на Португалија, пренесува „Ројтерс“.

– Тестот беше негативен. Ќе продолжам да работам од дома иако сум негативен, во следните 15 дена. Сакам да бидам пример – рече де Соуса.

Де Соуса, кој е познат како личност која сака да посетува јавни собири и да се фотографира со граѓаните, тестиран е претходно денес, откако неговиот кабинет објави дека ги откажал сите настани и службени патувања во странство и дека ќе работи од дома.

Тој таа одлука ја донесе по посетата на една група на ученици во претседателството, по која е утврдено дека еден од учениците од училиштето кој не бил на посетата има коронавирус.

Во Португалија има 35 заболени од коронавирусот.

Португалскиот претседател во карантин поради коронавирусот