Претседателот на ФФМ му го врачи шампионскиот пехар на Шкупи
Екипата на Шкупи денеска во својот последен натпревар од сезоната во Првата македонска лига славеше пред своите навивачи во Чаир со 3:0 над Академија Пандев.
Чаирчани ја завршија сезоната со учинок од 23 победи, седум нерешени и три порази (гол-разлика 66:21).
Воедно го имаат и најдобриот стрелец во лигата, тоа е нигерискиот интернационалец Сандеј Адетунџи со 20 постигнати голови.
Веднаш по завршувањето на мечот започна големото славје меѓу играчите предводени од тренерот Гоце Седлоски заедно со верните „Шверцери“.
Шкупи ќе ја претставува нашата земја ова лето во квалификациите за Лигата на шампионите.
Претседателот на Фудбалската федерација на Македонија, Муамед Сејдини му го врачи пехарот на ФК Шкупи.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот