Претседателот на ФФМ им честита на фудбалерите: Честитки за остварените резултати и се радуваме на следните предизвици
Македонската фудбалска репрезентација на стартот од новото издание на Лигата на нации, забележа триумф над Ерменија (2:1) и ремизираше на гостувањето кај Грузија (1:1) во септемврскиот репрезентативец циклус.
Младата репрезентација до 21 година исто така имаше успешни настапи во квалификациите за ЕП, загуби со минимални 0:1 од европскиот шампион Шпанија, додека славеше со 1:2 на гостувањето кај Фарски Острови и се наоѓа на делба на второто место на табелата.
За одличните резултати, фудбалерите на двете репрезентации добија честитки и од претседателот на ФФМ, Муамењд Сејдини.
– Поставивме високи стандарди кои се однесуваат на епидемиолошките мерки и упатуваме благодарност, пред сѐ, затоа што сите ги почитуваа мерките и препораките од здравствениот протокол.
Навистина е штета што публиката и навивачите на македонската репрезентација не можеа во живо да ги гледаат натпреварите против Шпанија и Ерменија, но мораме да бидеме одговорни и во целост да го спроведуваме државниот здравствен протокол, сѐ со цел најскоро што може да се вратиме на нормалниот живот.
Навистина сме горди на нашите две репрезентации, на фудбалерите, стручниот штаб и сите кои се вклучени во работата на репрезентациите. Покажаа одлучност, самодоверба и почит кон дресот на македонската репрезентација. Честитки за остварените резултати и се радуваме на следните предизвици.
Фудбалската федерација на Македонија, исто така, во рамки на своите можности и се разбира доколку тоа од нас го побараат одговорните од Националната арена „Тодор Проески“ ќе се стави во функција за подобрување на квалитетот на теренот на Националната арена, иако сосема ни е јасно дека во услови на многу натпревари и тренинзи во краток временски период, луѓето кои се одговорни за одржување на теренот дадоа сѐ од себе за негово одржување.
Напред Македонија!“, стои во честитката на Сејдини.