Претседателот на Европскиот комитет на регионите Ламбертс во посета на Скопје

Фото: Миа

Претседателот на Европскиот комитет на регионите, Карл-Хајнц Ламбертс, од денеска е во работна посета на Македонија.

Заменик претседателот на Владата задолжен за европски прашања, Бујар Османи е домаќин на Ламбертс, кој ќе има средби и со претседателот на државата Стево Пендаровски и претседателот на Собранието Талат Џафери, а ќе оствари одделни средби и со министрите за надворешни работи и локална самоуправа, Никола Димитров и Горан Милевски.

Во агендата на Ламбрет предвидена е и заедничката средба со Петре Шилегов, претседател на Заедницата на единиците на локални самоуправи и градоначалник на Град Скопје и Благој Бочварски копретседавач на Делегацијата на Република Северна Македонија во работата на Заедничкиот консултативен комитет.

На средбата со вицепремиерот Османи, како што соопшти неговиот Кабинет, ќе се разговара за можностите за унапредување на соработката која се одвива преку Заедничкиот консултативен комитет меѓу Република Северна Македонија и Комитетот на региони на Европската унија, како дел од напорите на земјата за усогласување со европските правила, стандарди и вредности на сите нивоа. Покрај актуелностите поврзани со европските интеграции, ќе бидат отворени и темите за развојот на локалните власти, децентрализацијата, соработка помеѓу централната власт и локалната самоуправа, како и размена на добри практики меѓу европските региони и градовите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот