Претседателот на шпанскиот фудбалски клуб Барселона, Жоан Лапорта жестоко го прозва големиот ривал Реал Мадрид. Им порача дека во наредните години ќе гледаат во грбот на големата Барса.

Ривалството меѓу големите ривали Барса и Реал е секогаш во центарот на вниманието. Секоја недела има барем еден отворен конфликт, а сега се отиде на повисоко ниво.

Лапорта одлучи јавно да му каже на Реал Мадрид дека во наредните години ќе гледа во грбот на каталонскиот клуб, без разлика на сите ѕвезди што ќе ги купат. Низ солзи зборуваше на собранието на клубот.

– Имам лоши вести за оние од Мадрид. Ќе го повториме успехот на најдобрата Барса досега. Реал Мадрид не се забавуваше добро за време на мојот прв мандат и замислете како се чувствуваат кога ќе видат нова Барса за неколку години – тим кој ќе биде сè подобар и подобар и истиот претседател поради кој лошо си поминуваше ривалот – вели Лапорта.

?️ Joan Laporta: “Real Madrid didn’t have a good time in my first era so imagine how they feel when they see that in a few years, there’s a new Barça, that’s better every time & it’s same President who made them suffer. The coach is Xavi…they see that grassroots once again made… pic.twitter.com/dZKaNew28o

— Madrid Zone (@theMadridZone) October 21, 2023

Првиот човек на Барса тврди и дека неговиот клуб ќе го добие случајот „Негреира“ кој се води против нив за наводно плаќање судии.

– Ќе победиме. Не направивме ништо од тоа за што нè обвинуваат. Историјата на Барселона нема да биде извалкана. Не смееме да дозволиме да нè дискредитираат. Колку и да бараат, нема да најдат ништо. Признавме дека сме платиле за одредени извештаи. Судиите велат дека сме ги користеле парите за купување натпревари, но тие немаат доказ. Ниту не можат ништо да докажат бидејќи немаат што да докажат – рече Лапорта.