Претседателот на Баерн откри: Фудбалерите бараа Ковач да си оди
Нико Ковач минатата недела доби отказ од тренерската функција во Баерн Минхен, а претседателот на тимот, Ули Хенес, потврди за телевизијата ЗДФ дека за ваквата одлука голем удел имаа и фудбалерите.
– Сигурно е дека постоеја некои струи во екипата кои посакуваа заминување на Ковач. Затоа реагираше управата. Најголемиот притисок доаѓаше од екипата. Јас сум заговорник за здрава дискусија и комуникација, играчите имаат право да го искажат своето мислење, но одлуките ги носи раководството на Баерн – изјави Хенес.
Хенес со овие зборови ги потврди шпекулациите кои подолго време кружат дека фудбалерите редовно доаѓаат во кабинетот на претседателот и се жалат на тренерите.
– Во Баерн најголемиот проблем е притисокот, не само оној кој го создаваат медиумите, туку и во екипата. Го знам ова уште од времето кога играв во Баерн, а изгледа и денеска ништо не е сменето. Фудбалерите имаат пристап кај Хенес и Румениге и вие доколку се тренер веднаш имате проблем, бидејќи играчите кај челниците одат само за да се жалат.
Тоа е најголемиот проблем во Баерн и доколку ја немаш поддршката од Хенес и од Румениге како тренер, тогаш немаш шанси и деновите на клупата ти се избројани – изјави минатата година, Маркус Бабел, поранешниот дефанзивец на баварците.