Претседателката на Косово пристигнува во посета на Бугарија
Претседателката на Косово, Вјоса Османи на покана на бугарскиот колега Румен Радев пристигнува во официјална посета на Бугарија, соопшти неговата прес-служба. Како што јави дописникот на МИА од Софија, двајцата претседатели ќе разговараат за теми од билатералната и регионалната агенда, како и за европската перспектива на Косово. Ќе бидат разгледани можностите за зајакнување на соработката во сферите на економијата, инвестициите, енергетиката, транспортот, туризмот, образованието, науката и културата.
Двајцата претседатели ќе одржат средба „четири очи”, по што ќе има разговори меѓу официјалните делегации на Бугарија и Косово. На претседателката на Република Косово ќе и биде врачен почесен орден за бугарски воен персонал кој учествувал во мисијата на меѓународните безбедносни сили на Косово КФОР.
Потоа изјави ќе дадат претседателите на Бугарија и на Косово
Вјоса Османи ќе одржи предавање на софискиот универзитет „Свети Климент Охридски” на тема: „Стратешки компас на Југоисточна Европа: Стабилизирање на мирот и просперитетот преку евроатлантските интеграции”.
Таа ќе има средби со претседавачот на 48. Народно собрание на Бугарија, Вежди Рашидов, како и со градоначалничката на Софија, Јорданка Фандакова. Бугарија заедно со Унгарија и Хрватска на 20 март 2008 година го признаа Косово.