Претрес во САД за нередите на Капитол Хил на 6 јануари: Немавме податоци дека ќе упаднат во Конгресот
Припадниците на разузнавачките сектори на ФБИ и на Секретаријатот за внатрешна безбедност на САД признаа дека имале информации за упадот на симпатизери на поранешниот претседател Доналд Трамп во Конгресот на 6 јануари.
Асистентката на директорот на ФБИ за разузнавачки работи, Џил Санборн и в.д. потсекретарот во Секретаријатот за внатрешна безбедност, Мелиса Смислова на претресот во Конгресот рекоа дека ниту една служба немала информации за планиран напад, јави „Глас на Америка“.
Санборн истакна оти ФБИ располагало со информации дека симпатизери на Трамп се движат кон Вашингтон и оти е можно да се вооружени, но не и дека ќе упаднат во Конгресот.
– Тие податоци ни недостасуваа, рече Санборн.
Во јавноста се води полемика дали ФБИ и другите служби направиле пропуст и не виделе знаци на предупредување дека на 6 јануари ќе има нереди на Капитол Хил, па затоа и полицијата не можела да реагира адекватно во нивно отсуство.
– Моќеби ќе беше подобро да пратевме некакво предупредување за тероризам, но не направивме такво нешто пред 6 јануари, рече Смислова.
Аналитичарите сметаат дека упадот во Конгресот не е резултат само на пропуст на разузнавачките, туку на сите служби, вклучувајќи ја владата и полицијата.