Претепана руска новинарка која пишувала за киднапирањата на чеченските хомосексуалци
Милашина за Би-Би-Си рекла дека тоа било координиран напад, каде млади жени ги нападнале, а мажите стоеле во близина и им кажувале што да прават.
Познатата руска новинарка Елена Милашина била претепана од група на луѓе во хотел во главниот град на Чеченија, Грозни.
Милашина која пишувала за киднапирања и мачење на чеченските хомосексуалци, била во Грозни со адвокатката Марина Дубровина на судење на локален блогер, кога пред хотелот Континент биле пречекани и нападнати од група на мажи и жени.
Во изјава за полицијата, која Милашина ја објавила на Фејсбук, новинарката рекла дека нападот сигурно е поврзан со нејзината професионална работа, бидејќи и пред инцидентот и се заканувале чеченските власти, дури и самиот претседател на Чеченија, Рамзан Кадиров.
Милашина за Би-Би-Си рекла дека тоа било координиран напад, каде млади жени ги нападнале, а мажите стоеле во близина и им кажувале што да прават.
– Почнаа да не удираат. Ме зграпчија мене и Марина за вратот и не фрлија на земја. Ми ја удираа главата од подот, па сега имам модрици и повреди. Потоа силно ме удрија во стомакот и ме влечеа за косата“, го опишала Милашина инцидентот.
Истрагата е сè уште во тек.