ПРЕСВРТ: Пол Погба останува во Јунајтед?!
Неочекувани информации од Англија околу иднината на францускиот репрезентативец.
Пол Погба денеска е главна спортска вест во Англија, по серијата одлични резултати на Манчестер јунајтед во последно време, тој се премисли и ќе остане во Англија, јавуваат медиумите од островот.
Според нив, доаѓањето на Бруно Фернандеш во јануари ги промени работите во Јунајтед, екипата нема пораз во последните 10 натпревари и притоа успеа два пати да го победи градскиот ривал Манчестер сити, Челси, Евертон. Погба во Португалецот гледа идеален партнер во средниот ред и поради тоа е подготвен да седне на маса со челниците на екипата и да преговара за продолжување на договорот.
Медиумите шпекулираат дека Погба е приморан на ваков потег бидејќи повеќе нема заинтересирани екипи за него. Реал Мадрид и неговиот претседател Флорентино Перез не го сакаат францускиот репрезентативец, додека тешко е да се поверува дека Јувентус на лето ќе се обиде да го донесе Погба.
Причината е епидемијата на коронавирусот кој на „старата дама“ ќе и однесе најмалку 50 милиони евра заработка.