ПРЕПОРАКИ ОД ИЗОЛАЦИЈА: Вежбаме со Елена Мирческа (ВИДЕО)
Фитнес инструкторката Елена Мирческа подговтви нов сет вежби адаптирани за домашни услови за читателите на Слободен печат.
Точно дека сме затворени во своите домови и движењето е ограничено на минимум, но тоа не значи дека не треба самите да се активираме за наше добро.
Мотивацијата е важна, сè друго е изговор!, вели Елена и објаснува:
– Денешниот сет на вежби ги опфаќа сите мускули на стомачната регија, со одредени модификации се релативно безбедни за сите и единствениот реквизит кој што е потребен, го има дома секој од нас – ПЕРНИЦА!
Пробајте за почеток со оние кои се најлесни за вас, каде при изведувањето не чувствувате болка во лумбалниот дел од рбетот, односно половината. Со редовно вежбање, за многу кратко време ќе го зацврстите абдоминалниот дел и ќе може да ги изведете сите вежби.
Доволни се по 15 повторувања на вежба, во три сетови, секој втор ден и ефектот ќе биде забележителен за брзо!
За повеќе вежби следете ја Елена на Јутјуб или на Фејсбук страната Fitnes studio Lady-Fit, а може да се придружите и на нејзините „онлајн“ часови во живо, секој ден во неделата.