Премиерот на Луксембург обвинет за плагијат
Премиерот на Луксембург, Ксавиер Бетел, е обвинет за плагијат на докторска дисертација што ја бранел пред 20 години на Универзитетот во Нанси, пренесува Политико.
Бетел реагираше без јасно да ги отфрли обвинувањата.
„Од денешна перспектива препознавам дека некои работи можеа да се направат поинаку, а всушност и требаше да се направат поинаку“ изјави премиерот на Луксембург.
Споменатата работа ја работел пред повеќе од 20 години, а, како што додава, тогаш ја работел со најголема совест.
Бетел реагираше на извештајот на онлајн-магазинот „Репортер.лу“, во кој се наведува дека неговата работа од 1999 година за можни реформи на изборниот систем на Европскиот парламент, на 54 од 56 страници, се состои од преземање туѓи текстови.