ПРЕМИЕРОТ НА ИРАК ПРЕДУПРЕДУВА: Убиствата на Сулејмани и Мухандис ќе предизвикаат војна
Убиениот ал Мухандис беше втор човек во Хашд ал Шааби, паравоена проиранска група, која минатата година стана дел од ирачките безбедносни сили.
Ирачкиот премиер во оставка Адел Абдел Махди денеска изјави дека американскиот напад при што се убиени иранскиот генерал Касем Сулејман и командантот на проиранските ирачки милиции Абу Махди ал Мухандис ќе предизвика војна во земјата и во регионот.
– Убиство на ирачки воен командант, кој има официјална функција е агресија против Ирак, ирачкиот државен апарат, ирачката Влада и ирачкиот народ – посочи Махди.
Убиениот ал Мухандис беше втор човек во Хашд ал Шааби, паравоена проиранска група, која минатата година стана дел од ирачките безбедносни сили.
– Израмнувањето на сметки со иранските раководни лица или со пријателска земја на ирачка територија е флагрантно кршење на условите, што дозволуваат присуство на американските војници – посочи Махди.
Поради најновите настани Махди побара вонредна седница на ирачкиот Парламент.