Премиерот Ковачевски им вети на фудбалерите премија од 500.000 евра за пласман на СП
Македонската фудбалска репрезентација тргна за Порто, каде што во вторник со почеток од 20.45 часот ќе игра против Португалија за пласман на Светското првенство во Катар 2022.
Денеска претпладне играчите имаа затворен тренинг, за да се направат последните тактички замисли пред спектаклот на стадионот „Драгао“.
Нашите најдобри фудбалери на патувањето беа испратени од премиерот на нашата земја, Димитар Ковачевски кој им посака среќа на избраниците на селекторот Благоја Милевски.
Воедно им вети премија од 500.000 илјади евра доколку триумфираат над Португалија и на тој начин се пласираат на Мундијалот.
Потсетување дека во полуфиналните мечеви од баражот, Португалија ја совлада Турција со 3:1, а Македонија во Палермо беше подобра од Италија (0:1).
Во Порто ќе ни суди човекот кој ни донесе „среќа“ да се пласираме на Европско првенство