Премиерот и претседателот на Израел му ја честитаа победата на Бајден
Премиерот и претседателот на Израел, Бенјамин Нетанјаху и Рувен Ривлин утрово, многу подоцна од другите светски лидери му ја честитаа победата на Џо Бајден на претседателските избори во САД.
– Честитки до Џо Бајден и Камала Харис. Џо, имавме долг и топол пријателски однос речиси 40 години и знам дека си голем пријател на Израел. Се радувам што ќе работам со Вас, за да ја зајакнеме посебната врска што ја имаат Израел и САД, напиша Нетанјаху на Твитер.
Congratulations @JoeBiden and @KamalaHarris. Joe, we’ve had a long & warm personal relationship for nearly 40 years, and I know you as a great friend of Israel. I look forward to working with both of you to further strengthen the special alliance between the U.S. and Israel.
— Benjamin Netanyahu (@netanyahu) November 8, 2020
Тој во вториот твит му се заблагодари на американскиот претседател Доналд Трамп за „пријателството што го покажа кон државата Израел” и кон него лично, како и за „признавањето на Ерусалим и Голан, застанувајќи против Иран, за историските мировни договори и за подигнување на американско-израелското сојузништво до незабележано ниво”.
Thank you @realDonaldTrump for the friendship you have shown the state of Israel and me personally, for recognizing Jerusalem and the Golan, for standing up to Iran, for the historic peace accords and for bringing the American-Israeli alliance to unprecedented heights.
— Benjamin Netanyahu (@netanyahu) November 8, 2020
– Испраќам благослов од израелскиот народ и државата Израел до нашиот пријател Џо Бајден на изборот на 46. Претседателна САД. Исто така испраќам честитки и најдобри желби за успех до избраната потпретседателка Камала Харис, се наведува во честитката на Ривлин.
Тој оцени дека „стратешкото сојузништво помеѓу двете земји и народи е посилно од кое било политичко раководство и оти не е засновано само на пријателство” туку е „длабоко вкоренето во заедничките вредности и долгата посветеностна слободата и демократијата како основи на нашите општества”.
Ривлин му се заблагодари и на Доналд Трамп за „четирите години партнерство и зајакнување на безбедноста на Израел”.