Премиерот Џонсон на идеја за враќање на карантинот во Велика Британија
Британскиот премиер Борис Џонсон размислува за повторно воведување на карантин во земјата поради брзото зголемување на бројот на нови случаи со ковид-19. Според британските медиуми, бројот на новозаразени во земјата се зголемува за најмалку 6.000 дневно, а бројот на пациенти кои се примени во болница со ковид-19 се удвојува на секои осум дена.
Се очекува главниот епидемиолошки експерт во Велика Британија, Крис Вити на денешната прес-конференција да соопшти дека земјата е дојдена до критична точка во пандемијата во пресрет на зимата.
Министерот за транспорт, Грант Шнапс претходно денеска изјави дека сите карантински мерки ќе треба да бидат добро избалансирани и дека ќе треба да се дозволи на компаниите да функционираат за земјата да може да ја издржи пандемиската криза на економски план, а со работа ќе продолжат и училиштата.
Велика Британкија и официјално е прва земја во Европа според бројот на смртни случаи, а петта во светот со 41.777 починати лица.