Премиерите на Канада и Холандија го поддржаа предлогот за реформи во НАТО
Премиерот на Канада, Џастин Трудо и неговиот холандски колега Марк Руте го поддржаа француско-германскиот предлог за реформа НАТО, откако францускиот претседател Емануел Макрон изјави дека Алијансата „умира“, пренесе „Блиц“.
Трудо на форумот пред почетокот на самиотот на НАТО во Лондон рече дека еден сојуз не може да опстои 70 години, доколку за него не се размислува редовно.
Руте изјави дека „има смисла“ да се оформи предложена група на експерти составена од „мудри луѓе“, кои би ги разгледале начините за политичкото реформирање на НАТО, откако се појавија несогласувања меѓу Турција, Франција и САД.
Холандскиот премиер повика на „фундаментално разгледување“ на реформи во НАТО.