Премиер лигата се врати ама ВАР остана на пауза, Шефилд оштетен за чист гол (ВИДЕО)
Англискиот фудбал се врати на големата сцена по тримесечна пауза, но традицијата остана.
Со натпреварот помеѓу Астон Вила и Шефилд јунајтед се врати Премиер лигата по тримесечна пауза поради пандемијата на коронавирусот, а со фудбалот се вратија и судиските грешки, поточно погрешните одлуки на ВАР технологијата.
И пред паузата имаше премногу замерки за одлуките кои ги носеше ВАР собата, а дека ништо не е променето се покажа и на првиот натпревар во рестартираната Премиер лига.
Во 42. минута ВАР технологијата „заспа“ бидејќи не му сигнализира на главниот судија дека Шефилд постигна чист гол.
По центаршутот во шеснаесетникот на домаќините, голманот Ниланд направи грешка, лошо ја прими топката и со неа влезе во голот но судијата не можеше да го види тоа поради гужвата додека гол технологијата се чини дека сè уште е на пауза.
ilk yarısı biten aston villa – sheffield united maçında bu pozisyona ‘gol çizgisi teknolojisi’ gol değil kararı verdi. gerçekten çok ilginç pic.twitter.com/UqINs1AqYP
— carl (@carlhanda) June 17, 2020
Гостинските фудбалери негодуваа, а судијата Мајкл Оливер се правдаше дека гол технологијата не му сигнализирала и поради тоа не може да го признае голот иако на ТВ снимките се гледа дека топката е зад гол линијата.
На крајот натпреварот заврши без голови.
