Премиер лигата е главната цел за Ливерпул – Слободен печат
СпортФудбал

Премиер лигата е главната цел за Ливерпул

По триумфот во Лигата на шампионите, Ливерпул во наредната сезона фокусот ќе го насочи кон титулата која ја чека 30 години.

Европскиот шампион Ливерпул, во идната сезона со сите сили ќе ја нападне титулата во Премиер лигата. Минатата сезона Ливерпул освои 97 бодови во Премиер лигата, но остана без трофејот за само еден бод, Манчестер сити ја освои титулата со 98 бодови.

Утехата за „црвените“ беше триумфот во ЛШ, но сопственикот на клубот, Џон Хенри сака по пауза од 30 години, Ливерпул да стане англиски шампион.

– За мене титулата во Лигата на шампионите Европа е поважна од таа во Премиер лигата, но навивачите имаат право што сакаат домашна титула. Тоа е причината зошто ние ќе се фокусираме на Премиер лигата во новата сезона. Најважно е да останеме здрави во текот на целата сезона. Потребен ни е здрав Алекс Окслејд Чембрлен, како и Адам Лалана. Имам добро претчуство за наредната сезона – изјави Хенри.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close