Премиер лига: Во 96 минута избега триумфот на Јунајтед! (ВИДЕО)
Денеска во рамките од 35 коло во најсилното англиско првенство екипите на Манчестер јунајтед и Саутемптон ремизираа 2:2.
Поведоа гостите со погодокот на Армстронг во 12 минута после асистенцијата на Редмонд. За три минути во првото полувреме „црвените ѓаволи“ направија целосен пресврт благодарение на Решфорд и Марсијал.
Играчите на Оле Гунар Солскјер беа многу блиску да ја продолжат победничката серија, но истата заврши во 96 минута кога бод за составот на Хазентал донесе Обафеми.
На три кола до крајот на сезоната во Премиер лигата Јунајтед ги одржува шансите за учество во Лигата на шампионите, моментно е на петтото место со 59 бодови колку што има и четвртопласираниот Лестер, а еден повеќе има Челси на третата позиција.
Саутемптон кој веќе го обезбеди опстанокот, се наоѓа на 12 место со 45 бодови.