Денеска Премиер лигата објави дека ограничен број навивачи ќе можат да се вратат на стадионите за последните две кола сезонава..

Натпреварите во Англија се одржуваат без публика од јуни 2020, освен кратката пауза кон крајот од минатата година кога беше дозволен помал број на навивачи пред повторно бројот на позитивни случаи на ковид-19 да се зголемува. Но, еве повторно навивачите ќе се вратат, во ограничен број, по 17 мај, во согласност со планот на тамошната Влада во ублажувањето на мерките.

– Навивачите се очекува да можат да се вратат на стадионите од 17 мај во намален капацитет, а конечната владина одлука за предвидените термини ќе биде објавена најдоцна до 10 мај. По консултација со клубовите, беше договорено натпреварите да не бидат отворени за гостинските навивачи, поради различните оперативни предизвици и потребата од постојан пристап, притоа максимално да се зголемат можностите за присуство на домашните навивачи – се вели во соопштението на лигата.

The #PL has today confirmed that the final two Matchweeks of the 2020/21 season will be limited to home fans, subject to the Government easing lockdown restrictions in the United Kingdom

Full statement 👉 https://t.co/Yq7U3ECUzP pic.twitter.com/633ArXguI9

— Premier League (@premierleague) May 5, 2021

Премиер лигата потврди дека распоредот на натпреварите е променет за да се овозможи секој клуб да има по еден домашен натпревар со навивачите пред крајот на сезоната. Претпоследното коло се игра од 18 до 19 мај, а последните натпревари во оваа сезона се играат на 23 мај.

Во финалето од Лига купот помеѓу Манчестер сити и Тотенхем на 25 април присуствуваа 8.000 гледачи, додека 21.000 навивачи се очекуваат во финалето на ФА купот (Челси-Лестер) на 15 мај на „Вембли“ стадионот во Лондон.