Во финишот од сезоната во Премиер лигата ситуацијата околу борбата за опстанок е следна, Евертон има 36 бода, Лидс 35, а Барнли 34.

Треба да се нагласи дека Евертон и Барнли имаат уште два натпревари до крајот на првенството, а Лидс само еден.

Евертон држи сè во раце пред мечот со Кристал Палас, кој на „Гудисон“ пристигнува без никаков притисок. Се очекува дека менаџерот на лондонскиот клуб, Патрик Виеира да им даде шанса на играчите кои беа во втор план.

А тоа е шанса за играчите на менаџерот Френк Лампард со триумф да го обезбедат опстанокот во елитата.

Од 20.45 часот Евертон е домаќин на Кристал Палас, а од 21 часот Астон Вила ќе го пречека Барнли.

Лидс, кој својот последен меч сезонава ќе го има на 22 мај на гости против Брентфорд, денеска ќе „навива“ за Астон Вила на дуелот против Барнли.